Добивте потврда од вашиот специјалист за ортопедско помагало, но не сте сигурни што треба да направите понатаму?

Не сте единствени. Откако лекарот-специјалист ќе ви препише помагало, често се појавуваат прашања: Каде можам да го подигнам помагалото? Дали треба лично да дојдам? Како да ја изберам соодветната големина? Колку време важи потврдата?

Во продолжение ви претставуваме едноставен водич низ најважните чекори, кој ќе ви помогне полесно да го остварите правото на препишаното помагало.

1.Заверете ја потврдата

Првиот чекор што треба да го направите е да ја заверите потврдата во подрачна единица на Фондот за здравствено осигурување. Не заборавајте, потврдата има важност од еден месец.
Што тоа значи?
Во период од месец, почнувајќи од денот кога вашиот специјалист ви ја препишал потврдата, треба да ја заверите во фондот за здравствено осигурување и да го подигнете погалото во некоја од продавниците на Славеј.

2.Проверете што е наведено во потврдата

Во потврдата е наведено видот на помагалото, а за одредени помагала може да бидат наведени и дополнителни спецификации.

Доколку не сте сигурни што точно е наведено во потврдата или кое помагало ви е потребно, не мора сами да ги барате одговорите.

Можете да ја донесете потврдата во продажен салон на Славеј, каде што нашиот стручен тим ќе ви помогне да разберете што ви е препишано и кои можности ви стојат на располагање.

Изберете една од следните теми и дознајте како да го добиете потребното помагало:

– Како до ортоза за половина со потврда од ФЗОМ?

– Како до пелени за возрасни со потврда од ФЗОМ?

– Како до инвалидска количка со потврда од ФЗОМ?

– Како до помагала за одење – бастун и одалки?

– Како до ортоза за колено, скочен зглоб или рамо?

– Како до ортопедски обувки?

3.Посетете го Славеј за да го подигнете помагалото

Откако ќе ја заверите потврдата, следниот чекор е да посетите продажен салон на Славеј.

Нашите вработени ќе ја проверат потврдата, ќе ви помогнат при изборот на соодветното помагало и, доколку е потребно, ќе ве измерат за одредување на точната големина.

Кај ортозите, многу е важно да се одреди соодветната големина.

Затоа, не се препорачува големината да се избира само според лична проценка. Доколку за одредено помагало е потребно мерење, тоа се врши во продажниот салон.

Доколку ви е препишана индивидуална ортоза, наште вработени ќе ви земат мерка според која ќе се изработи помагалото. Кога помагалото ќе биде во завршна фаза, ќе ве повикаат за да го пробате пред да се направат финалните корекции и подесувања.

4.Што ако не знам кое помагало ми е потребно?

Доколку лекарот ви препишал помагало, но не сте сигурни кој производ одговара на издадената потврда, слободно обратете ни се.

Во Славеј можете да добиете информации за достапните помагала и нивната намена, а нашиот тим ќе ви помогне да го пронајдете соодветното решение во согласност со препишаното помагало.

Имате прашања пред посетата? Контактирајте нè.

Можете да ни се обратите телефонски на 02 3217 633 , преку е-пошта на info@slavej.mk или преку другите достапни канали за комуникација.

5.Зошто е важен правилниот избор на помагало?

Медицинското помагало не е само производ што треба да го подигнете.Важно е тоа да одговара на вашите индивидуални потреби, да биде со соодветна големина и да знаете како правилно да го користите. Ова е особено важно кај:

– Ортози

– Помагала за стапала

– Помагала за движење

– Други медицински помагала за кои е потребен индивидуален избор или мерење.

Во Славеј можете да добиете и стручни насоки за правилно поставување и користење на помагалото, со цел негова правилна и безбедна употреба.

6.Што ако е потребно мерење?

За одредени медицински помагала потребно е да се изврши мерење за да се избере соодветната големина или модел, или пак индивидуално да се изработи.

Затоа, доколку не сте сигурни во изборот или дали за препишаното помагало е потребно мерење, ви препорачуваме лично да посетите продажен салон на Славеј.

Понесете ја потврдата, а нашиот стручен тим ќе ви помогне во постапката за добивање на помагалото.

7.Може ли да го посетам Славеј само за консултација?

Секако!

Доколку сте добиле потврда, но пред посетата сакате да проверите кое помагало ви е препишано, на кое помагало имате право или што треба да понесете, слободно контактирајте нè.

Подобро е навреме да се информирате отколку да претпоставувате, особено кога станува збор за медицинско помагало што ќе го користите секојдневно.

Имам потврда – кој е следниот чекор?

1.Проверете ја потврдата.

Утврдете кое медицинско помагало ви е препишано.

2.Заверете ја потврдата

Заверката се прави во подрачна служба на ФЗОМ во вашиот град.

3.Посетете го Славеј

Понесете ја потврдата и обратете се до нашиот стручен тим.

4.Доколку е потребно, ќе направиме мерење.

Ќе ви помогнеме да ја изберете соодветната големина и модел.

5. Подигнете го помагалото и користете го правилно.

Ќе добиете основни насоки за негово правилно поставување и употреба.