Без разлика колку удобно седите, ако вашата работа бара да седите поголемиот дел од денот, тоа дефинитивно ќе ви го оштети грбот и евентуално ќе доведе до заболувања на ‘рбетот и напнати мускули. Обидете се да станувате по една или две минути на секои половина час, малку да се истегнете и да прошетате.

И покрај насловот на статијата, мора да сфатиме дека здравото седење всушност не постои и дека седењето не може да биде добро за нашиот ‘рбет на никаков начин. Сепак, можеме да ви покажеме колку е важно да изберете добар стол и лумбални потпори што ќе ги намалат симптомите на болка и непријатност.

7 совети за правилно седење:

  1. Седите што е можно помалку во канцеларијата – обидете се да стоите што е можно повеќе. Ако не можете да правите чести паузи, станете секогаш кога можете – отидете до принтерот да ги земете печатените документи, ако ви треба нешто од колегата, станете и отидете до неговата работна маса…

  2. Седете со потпора за грбот (да речеме, со перница направена за оваа намена)
  3. Држете ги колковите и колената под прав агол (доколку е потребно, ставете потпирач за нозе под нозете).
  4. Седнете на стол со потпора за грбот и потпирачи за раце. Седењето на мека софа или стол, води до искривување на грбот. Внимавајте да не седите згрбавени!
  5. Во канцеларијата, прилагодете ја висината на столот и бирото така што ќе седите доволно блиску до бирото. Лактите и рацете треба да ви бидат потпрени на масата а рамењата да ви бидат порамнети.
  6. Ако столот се врти, не вртете се само со горниот дел од телото, туку свртете го целото тело.
  7. Кога станувате од седечка положба, прво поместете се до работ на столот, а потоа подигнете се и застанете на нозе. Избегнувајте извиткување на половината.

Седењето со скрстени нозе е исто така честа глетка. Многу луѓе седат вака затоа што се навикнале на тоа и го прават тоа несвесно. Но, помалку луѓе знаат дека ова е многу штетно и за здравјето и за изгледот. Многу студии покажаа дека седењето со скрстени нозе долго време влијае на високиот крвен притисок – дури и ако воопшто нема проблеми со крвниот притисок. Избегнувањето на ваквото седење придонесува за подобра циркулација и ги спречува таканаречените пајажести вени. Упорното седење во оваа положба може дури и да доведе до парализа на перонеалниот нерв, што ги ослабува мускулите одговорни за кревање на стапалото.