Индивидуалните ортози за `рбет (спинални ортози) се наменети за поддршка и стабилизирање на цервикалниот, торакалниот и лумбалниот ‘рбет. Овие типови на ортози може да се користат постоперативно, за да се обезбеди правилно заздравување, за лекување на хронична болест или состојба, како и за повреди на ‘рбетот.
Резултатите од третманот зависат од изработката и прецизноста на ортозата. Затоа во Славеј, индивидуалните ортози за ’рбет се изработуваат дигитално. Прво со помош на скенер се земаат мерки од торзото, со што се добива дигитална слика, според која на специјална CNC машина, се изработува прецизна ортоза.
Славеј има искусни и специјализирани ортотичари за изработка на спинални ортози.
Доколку на вашето дете му е дијагностицирана сколиоза, прочитајте повеќе во делот за сколиоза.
