Индивидуалните влошки се препознатлив бренд од работилницата на Славеј. Се изработуваат рачно, од кожа или ортотички материјали. Секоја влошка овозможува рамномерно оптоварување на стапалото и намалување на притисокот и болката.
Влошките, во зависност од деформитетот на корисникот, може да ги имаат следниве додатоци: супинационо перниче, метатарзално перниче, медијално или латерално повишување, повишување на пета од 1-3 см и отвор на пета.
Исто така, во Славеј, правиме дијагностика на стапалата со помош на скенер. Со оваа анализа, нашите ортопедски техничари можат да детектираат точки на притисок на стапалото и врз основа на собраните податоци, дизајнираат ортопедска влошка според индивидуалните потреби на секој корисник.
Како специфичен производ во нашата понуда се индивидуалните спортски влошки за професионалните спортисти на кои им е потребна ортопедска влошка со максимална издржливост, но минимална дебелина.
