Потколена ампутација (транстибијална ампутација) означува ампутација или отсуство на дел од ногата под коленото. Доколку имате ампутација на ова ниво, важно е да запомните дека со протезата може да се вратите на вашиот независен живот.
За изработка на протезата, ќе работите со протетичар кој е квалификуван за дизајнирање, изработка и аплицирање на вештачки екстремитети. Многу е важно со вашиот протетичар да разговарате за вашите цели, очекувања и грижи, за тој да може да одговори на вашите специфични потреби.
Во продолжение ви даваме информации, што да очекувате во периодот од ампутација до потколена протеза.
Дознајте повеќе за нега и рехабилитација по ампутација
За повеќе информации за потколена ампутација, вклучително и нега на екстремитетите, рехабилитација и заздравување, пополнете го овој формулар за да ја преземете нашата брошура.
Креирање на вашата потколена протеза
Потколената протеза (исто така наречена транстибијална протеза) се состои од лежиште, стапало и други спојувачки компоненти. Протетичарот ќе дизајнира индивидуално лежиште, специфично за вашиот екстремитет и ќе одбере најсоодветни компоненти, за да одговараат на вашите потреби и животен стил.
Привремена- имедијатна протеза
Во текот на првите месеци по ампутацијата, ќе се менува обликот и големината на вашиот екстремитет (чкунка). Доколку има промени во волуменот на чкунката, се прават одредени корекции. За лежиштето да не биде премногу лабаво, вашиот протетичар ќе го пополнува самото лежиште за да го прилагоди на новата форма на вашата чкунка или ќе ве советува да носите дополнителни слоеви навлаки за чкунка. И покрај овие промени, понекогаш, доколку лежиштето е лабаво, ќе треба да се направи ново.
Најчесто имедијантната протеза нема козметичка облога, што му олеснува на протетичарот да направи промени во лежиштето или прилагодување во стапалото.
Процесот на учење на одење со протезата, започнува со оваа имедијантна протеза. Кога вашиот преостанат екстремитет е формиран и кога сте постигнале стабилно ниво на активност време е да се префрлите на трајна протеза.
Трајна протеза
Користејќи слични техники, вашата привремена (имедијантна) протеза ќе биде заменета со трајна протеза. За да се создаде трајна протеза, може да бидат потребни неколку посети кај протетичарот со цел да се добие најдоброто решение.
Во зависност од тоа колку ја користите и нивото на вашата активност, протезата може да трае од две до пет години. Кај децата, протезите треба почесто да се менуваат. Важно е да се запамети дека протезата е механички уред кој има потреба од поправки и прилагодувања. Понекогаш, потребно е да се прилагодат или заменат одредени компоненти наместо да се прави целосно нова протеза.
Доколку имате поголеми промени во телесната тежината, може да бидат потребни прилагодувања на лежиштето или други делови од протезата.
