Ортозите за стапалo и скочен зглоб (Ankle Foot Orthosis -AFO) се специјално дизајнирани помагала, кои обезбедуваат поддршка на слаби или нестабилни екстремитети.
Има два типа на AFO ортози: ригидни и со зглоб . Ригидните AFO ортози даваат цврста поддршка и го ограничуваат движењето, за да се обезбеди стабилност. AFO ортозите со зглоб обезбедуваат контролирано движење на скочниот зглоб напред, овозможувајќи поприродно одење.
AFO ортозите се многу ефикасни во лекувањето на состојби кои влијаат на функцијата на долните екстремитети, како што се:
- Мускулна слабост: даваат поддршка на мускулите кои не можат да поднесат тежина или да одржат правилно позиционирање.
- Нестабилност на зглобовите: ги стабилизираат зглобовите, за да се спречи несакано движење или неусогласеност.
- Висок мускулен тонус (спастицитет): помагаат при одење и рамнотежа во случаи на мускулен спастицитет, што е се јавува кај невролошки состојби како што се церебрална парализа, мозочен удар или мултиплекс склероза.
Без разлика дали се наменети за деца, возрасни или постари лица, AFO ортозите може да се приспособат на индивидуалните потреби на корисникот, да ја подобрат мобилноста, удобноста и квалитетот на живот.
