Седум ефикасни вежби за корисници на инвалидска количка

Вежбањето можеби е последно нешто што ви паѓа на ум поради ограничената подвижност со инвалидска количка. Но, добрата вест е дека можете и треба да вежбате. Во продолжение ви даваме неколку вежби кои ќе ви помогнат за:

  • Подобрување на опсегот на движење и тонирање на мускулите;
  • Повеќе сила, издржливост и флексибилност;
  • Одржување на нормална телесна тежина;
  • Намалување на болката во зглобовите и мускулите;
  • Превенција од повреди.

    Накратко, вежбањето е еден од најдобрите начини за да бидете фит и здрави дури и во инвалидска количка.

ДАЛИ СТЕ ПОДГОТВЕНИ?

Подигнување на раката

Како корисник на инвалидска количкa, постојано ги користите рацете. Затоа ви се потребни вежби за зајакнување на овој дел од телото. Оваа вежба е лесна за почеток, а за дополнителни резултати може да користите и тегови:

  • Земете мал тег или шише со вода и со рацете држете го на градите;
  • Со тегот, полека кревајте ги рацете нагоре;
  • Потоа вратете ги рацете кон градите;
  • Направете 12-15 повторувања;
  • Како ќе напредувате со вежбање, користете поголема тежина. Внимавајте да не користите поголема тежина од вашата физичка подготвеност. 

Странични движења

Оваа вежба ќе ви помогне да го зајакнете јадрото на телото.

  • Седнете исправено во вашата инвалидска количка;
  • Свртете го телото прво налево (или десно ако сакате);
  • Свртете го телото прво налево (или десно ако сакате);
  • Направете 12-15 повторувања.

Авион

Оваа вежба е како детска игра, но е одлична за зајакнување на рацете.  

  • Седнете исправено во вашата инвалидска количка. Внимавајте грбот да ви е во права линија.
  • Испружете ги рацете на страна.
  • Почнете полека да ги движите рацете со кружни движења. Можете да започнете со мали кругови, а доколку рацете лесно ви се заморуваат преминете на поголеми кругови.
  • Направете 20 повторувања. Прво правете движења во насока на стрелките од часовникот, а потоа обратно.

Велосипед со раце

Ако сте подготвени за посложени вежби, тогаш следнава е совршена за вас. Оваа вежба е одлична за зајакнување на стомачните мускули.

  • Седнете со исправен грб.
  • Спојте ги дланките на градите како во положба „Namaste“во јога.
  • Подлактиците да ви бидат паралелни со подот.  
  • Свртете го телото така што со десниот лакт допрете го левото колено.
  • Исправете се до првобитната положба.
  • Повторно свртете се, но сега со спротивниот лакт допрете го спротивното колено.
  • Направете 5-8 повторувања.

Истегнување на градите

Мускулите на грбот и градите се важни за туркање. Затоа е потребно да се зајакнат за да се избегнат евентуални повреди.

  • Седнете исправено во вашата количка;
  • Грбот не треба да го допира потпирачот од столот;
  • Испружете ги рацете на страна и повлечете ги рамената наназад;
  • Полека туркајте ги градите нанапред и почувствувајте како се истегнуваат;
  • Останете во оваа положба 5 до 10 секунди;
  • Направете 5 повторувања.

За зајакнување на рацете можете да користите и педали за вежбање со кои ќе го зајакнете грбот и рамената. Со оваа справа ќе добиете дополнително кардио без да ги повредите зглобовите и мускулите. Се што треба да направите е да седнете и да вртите 10-20 минути.  

Истегнете се!

Истегнувањето може да изгледа премногу едноставно за да се смета за вежба. Но, истегнувањето е многу важно пред и откако ќе направите било каков вид на вежби во инвалидска количка. Всушност, истегнувањето ја подобрува вашата подвижност и помага  во подобрување на флексибилноста.

  • Движете ги рацете напред-назад.
  • Протресете го зглобот или прстите.
  • Изстегнето го вратот напред-назад и лево-десно;
  • Не заборавајте, да правите нежни движења кога се истегнувате за да не се повредите.
Shopping Cart