Duart mekanike janë të njohura për përdoruesit e protezave pasi ato nuk kërkojnë karrikim elektrik dhe janë mjaft të thjeshta për t’u përdorur. Përzgjedhja e zgjidhjes më të mirë kërkon bashkëpunim mes jush dhe protetistit, për të bërë një protezë të përshtatshme për nevojat e juaja.
Një dorë mekanike nuk ka nevojë të karrikohet dhe zakonisht duhet të rregullohet manualisht përpara se të ndërmerret një veprim i caktuar. Për shembull, me dorën tuaj të shëndetshme, mund të shtrëngoni pëllëmbën mekanike në grusht dhe të zgjatni gishtin tregues për të thirrur një telefon ose për të shkruar në tastierë.
Duarve mekanike gjithashtu mund t’u shtojmë ose heqim disa komponentë. Për shembull, nëse ju pëlqen të ngrini pesha, mund të keni një pëllëmbë të bërë posaçërisht për t’iu përshtatur peshave që dëshironi të ngrini. Në mënyrë tipike, këta komponentë janë krijuar për të qenë të lëvizshëm, pasi kanë një funksion dhe aktivitet shumë të posaçëm.
.
