Në skoliozë, kockat e shtyllës kurrizore zhvendosen dhe rrotullohen nga ku duhet të jetë mesi i shtyllës kurrizore, duke bërë që ajo të lakohet. Edhe pse mund të prekë këdo në çdo moshë, skolioza më së shpeshti diagnostikohet midis moshës 9 dhe 16 vjeç dhe njihet si skolioza idiopatike adoleshente.

Kur shkalla e skoliozës përcaktohet në një ekzaminim me rëntgen dhe fëmija ka ende rritjen e parashikuar, ortopedi ose fiziatri mund të përshkruajnë një korse skolioze.

Korseja ushtron trysni në zona të caktuara për të drejtuar shtyllën kurrizore. Zakonisht, lakimi i shtyllës kurrizore zvogëlohet gjatë periudhës kur vishet korseja dhe do të mbetet në të njëjtën gjendje kur të hiqet.

Llojet e korseve

Ka disa lloje të korseve të skoliozës. Lloji i ortozës përcaktohet nga mjeku dhe ortotoristi. Korset për skoliozën janë plastike, në shumicën e rasteve nuk janë të veshura nga brenda, në mënyrë që të jenë më të holla dhe të mos bien në sy nën rrobat e fëmijës.

Periudha kohore e veshjes

Kohëzgjatja e trajtimit përcaktohet nga specialisti. Meqenëse trajtimi zgjat më shumë, korseja duhet të mbahet për një numër të caktuar orësh çdo ditë. Sa orë në ditë do të mbahet, përcaktohet nga mjeku, në përputhje me aktivitetet e fëmijës.

Ortopedi ose fiziatri që trajton fëmijën përcakton se sa kohë duhet të mbahet korseja. Varet nga disa faktorë si: pjekuria e kockave, mosha, fillimi i ciklit menstrual te vajzat dhe madhësia e lakores. Rekomandimi për veshje të vazhdueshme nënkupton 18-22 orë në ditë, dhe veshja gjatë natës është 8-10 orë, çdo ditë gjatë natës. Sipas hulumtimeve, korsetë që vishen më shumë orë në ditë, më shumë se 18 orë, kanë një shkallë më të lartë suksesi.

Është gjithashtu e rëndësishme të theksohet se veshja e korsesë gjatë natës ka sukses më të madh në korrigjim, në krahasim me veshjen gjatë ditës

Në varësi të rritjes së fëmijës, suksesi i trajtimit përcakton periudhën kohore që do të ndërrohet korseja. Disa fëmijë kanë nevojë për disa korse gjatë trajtimit.