Милвоки корсетот, познат и како цервико-торако-лумбо-сакрална ортоза или CTLSO, е активна корективна спинална ортоза за рбет која обично се користи во третманот на ‘рбетни искривувања кај деца.
Ортозата обично се препишува за деца со постурално нарушување кои не завршиле со својот раст или кои се во период на брз раст. Не се користи за возрасни или адолесценти кои веќе го завршиле растот бидејќи нема да има ефект. Поради ефикасноста и релативната прифатливост на денешните помодерни ортози денес Милвоки ортозата се користи поретко. Сепак, сè уште се препорачува за третман на деформитети повисоко во торакалниот или цервикалниот ‘рбет. Конзервативните цели за управување со сколиозата се да се стабилизира и спречи прогресијата на деформитетот на ‘рбетот.