Долготрајното (неправилно) седење или која било друга положба, во која со часови поминувате во текот на работниот ден, има штетно влијание врз вашето држење. Покрај тоа, дебелината е еден од факторите кои придонесуваат за лошо држење – го менува тежиштето нанапред и повлекува низа други неправилности на телото.
Лошото држење на телото доведува до болки во вратот и грбот и создава стрес на зглобовите, што го зголемува ризикот од повреди. Исто така, лошото држење негативно се одразува на естетиката на телото: со лошо држење стомакот изгледа поголем, а рамената се спуштени.
Што можете да направите? Помалку седење и повеќе физичка активност. Во продолжение ви пренесуваме вежби кои ќе го подобрат држењето на телото. За најдобри резултати правете ги секојдневно:
1. Планк
Една заедничка карактеристика на лицата со овој проблем се слабите мускули на јадрото. Планк е изометриска вежба која ги зајакнува овие мускули и колку се посилни, толку подобро ќе ви биде држењето на телото. Предноста на оваа вежба е што ги активира мускулите на целото тело, од нозете до рамената.
2. Мост
Друга изометриска вежба која ги зајакнува мускулите на јадрото е мост. Оваа вежба ги зајакнува и мускулите на долниот дел на грбот, кои го стабилизираат ‘рбетот, го намалуваат ризикот од појава на болка во тој дел и го подобруваат држењето на телото.
3. Екстензија на колкови
Ова е вежба која ги активира мускулите на глутесот и долниот дел на грбот, но и стомачните мускули. Она што е важно да се напомене за оваа вежба е дека додека ја подигнувате ногата не смеете да го ротирате телото и да го кревате колкот. Треба да го држите јадрото цврсто, а грбот исправен, без да создадете лак во долниот дел на грбот.
4. Вежба на ѕид
Оваа вежба е одлична за зајакнување на мускулите во горниот дел од грбот. Потпрете се на ѕид со грбот а лактите од рацете свиткајте ги во 90 степени (позиција А). Полека лизгајте ги рацете нагоре над главата (позиција Б). Вратете се на почетна позиција. Направете 3-4 серии од 15 повторувања.
4. Детска поза
Ова е добро позната вежба за јога и е едно од основните пози. Изведувањето на оваа вежба помага да се подобри држењето на телото со издолжување на мускулите на грбот, задниот дел на бутините. Овие мускули стануваат вкочанети како последица на долготрајно седење.
